20 pamilya nawalan ng tirahan sa sunog sa Maynila
By Dona Dominguez-Cargullo January 28, 2020 - 05:45 AM
Tinupok ng apoy ang 10 bahay sa isang residential area sa Vicente Cruz Street, Sampaloc, Maynila.
Ayon sa Manila Fire Bureau, nagsimula ang sunog pasado alas 2:00 ng madaling araw sa isang dalawang palapag na bahay.
Mabilis na kumalat ang apoy kaya umabot sa sampung bahay ang nasunog kabilang ang isang pagawaan ng plake.
Tinatayang aabot sa 20 pamilya ang nawalan ng tirahan.
Alas 3:37 naman nang maideklarang fire out na ang sunog.
Inaalam pa kung ano ang pinagmulan ng apoy.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.