Paggalaw ng mga planeta, walang kinalaman sa pagputok ng mga bulkan
Nilinaw ng isang kilalang astronomer at meteorologist na walang kinalaman o epekto ang paggalaw ng mga planeta sa nagaganap na lindol o anumang volcanic eruptions.
Sa Balitaan forum sa Maynila, sinabi ni Edmund Rosales, na walang gravitational effect ang mga planeta sa aktibidad ng earth o mundo.
Tanging buwan lamang aniya ang kapansin-pansin na kung kabilugan ay sinasabing may epekto sa behavior ng tao at kung high tide.
Pinuna rin ni Rosales ang sinasabing may pagbabago sa ugali ng tao na nagaganap tuwing bilog ang buwan, ang panahon na sinasabing “may sumpong” dahil bilog ang buwan.
Sinabi ng meteorologist na positibo ang dulot ng kabilugan ng buwan lalo na at naging mabuti ang mga tao dahil sa bilog ang buwan ay maliwanag aniya ang paligid, konti ang aksidente dahil nakikita ang mga kalsada at konti lang ang magnanakaw dahil sila ay nakikita.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.