Pagbaba sa alert level 3 ng Bulkang Taal hindi nangangahulugang hindi na ito sasabog
Pinag-iingat pa rin ng Phivolcs ang mga lokal na pamahalaan at mga residente sa mga bayan sa palibot ng Bulkang Taal.
Sa panayam ng Radyo Inquirer, sinabi ni Phivolcs Director Renato Solidum, maga pa rin ang western side ng Taal Volcano.
Ibinaba aniya sa alert level 3 ang alerto ng Bulkang Taal dahil sa bahagyang paghupa ng aktibidad nito.
Gayunman, ayon kay Solidum, hindi nangangahulugan na hindi na ito sasabog ng malakas.
Huminto lang aniya sa pag-akyat ang magma sa ilalim ng bulkan pero patuloy itong kumikilos.
“Hindi nangangahulugan na hindi na sasabog, may overall decrease lang,” ani Solidum.
Dagdag pa ni Solidum, dalawa ang pwedeng mangyari sa bulkan, una ay mapatuloy na mabawasan ang aktibidad nito na maaring magresulta sa pagbaba sa alert level 2.
At ikalawa ay maaring magkaroon pa ng senyales ng pagtindi ng pag-aalburuto nito dahilan para posibleng ibalik ito sa alert level 4.
Payo ng Phivolcs sa publiko manatiling mapagmatyag at makinig sa payo ng mga otoridad.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.