Drug den sa Talisay City, Cebu sinalakay; 5 timbog
Arestado ang limang drug personalities sa ikinasang buy-bust operation sa Talisay City, Cebu Linggo ng madaling-araw.
Ayon sa Philippine Drug Enforcement Agency Central Visayas (PDEA RO7), isinagawa ang buy-bust operation sa isang drug den sa Sitio Tambis sa Barangay Pooc dakong 1:00 ng madaling-araw.
Nakilala ang mga suspek na sina Julius Alipio Nuñez, target sa operasyon; Jenny Sedantes, Riche Naldo Embradora, Junrie Tulba at Christian Escubin.
Nakumpiska sa mga suspek ang 15 pakete ng hinihinalang shabu na may bigat na mahigit-kumulang 14 gramo. Nagkakahalaga ito ng P95,200.
Maliban dito, nakuha rin ang ginamit na buy-bust money, isang kulay asul na pouch na nagsilbing lalagyan ng ilegal na droga, P300 cash at ilang drug paraphernalia.
Mahaharap ang mga suspek sa kasong paglabag sa Sections 5, 6, 7, 11 at 12, Article II ng Republic Act 9165 o Comprehensive Dangerous Drugs Act of 2002.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.