Manhunt ops vs dayuhang nakunan ng larawan na dumudumi sa Intramuros, Maynila ipinag-utos ni Moreno

Ipinag-utos ni Manila Mayor Isko Moreno sa Manila Police District Special Mayor’s Reaction Team (MPD SMaRT) ang pagkakasa ng manhunt operation laban sa isang hinihinalang dayuhan.

Nahuli kasi umano ang dayuhan na dumudumi sa bahagi ng Baluarte de Dilao sa Intramuros, Linggo ng umaga.

Ipinag-utos ng alkalde ang operasyon kay Police Maj. Rosalino Ibay Jr., hepe ng MPD SMaRT.

Naglabas din ng direktiba ang alkalde kay Charlie Duñgo, hepe ng Department of Tourism, Culture and Arts of Manila (DTCAM), na makipag-ugnayan sa Intramuros Administrarion ukol sa insidente.