Antas ng tubig sa Angat Dam, nabawasan

Bahagyang nabawasan ang antas ng tubig sa Angat Dam sa nakalipas na 24 oras.

Sa datos ng PAGASA Hydrology Division, nasa 203.23 meters ang lebel ng tubig sa nasabing dam bandang 6:00 ng umaga, araw ng Sabado (January 25).

Mas mababa ito kumpara sa 203.35 meters na lebel nito noong Biyernes, January 24.

Nabawasan din ang antas ng tubig sa Ambuklao, Binga, San Roque, Magat at Pantabangan Dams.

Samantala, nadagdagan nang kaunti ang tubig sa La Mesa at Caliraya Dams.

Wala namang naging pagbabago sa antas ng tubig sa Ipo Dam sa magdamag.