2 arestado sa buy-bust operation sa Makati
Arestado ang dalawang lalaki sa isinagawang buy-bust operatiom sa BarangaY Comembo, Makati City, Huwebes (January 23).
Naaresto ang target ng operasyon na si alyas Anu, 31 anyos at residente ng Consular Area, Fort Bonifacio At isa pa nitong kaibigan.
Ayon kay Police Lt. Jeson Vigilla ng Makati police, nakipagkasundo si alyas Anu na makipagkita sa Barangay Comembo para isagawa ang transaksyon.
Dumating naman sa lugar ang suspek sakay ng motorsiklo kasama pa ang isang lalaki na mula sa Bayaga St. Zone 8 Cupang sa Antipolo City.
Nagkakahalaga ng P500 ng hinihinalang shabu ang binili ng police poseur buyer mula sa targe at nanh matapos ang transaksyon ay inaresto na ang target ng operasyon kasama na ang isa pang lalaki na nagmaneho ng motorsiklo.
Nakumpiska sa mga suspek ang 26 sachet ng hinihinalang shabu na tinatayang nagkakahalaga ng P17,000.
Mahaharap ang mga naarestong drug suspects sa kasong paglabag sa Republic Act 9165 o Comprehensive Dangerous Drugs Act of 2002.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.