2 umano’y tulak ng droga, timbog sa Camarines Norte

Arestado ang dalawang hinihinalang tulak ng droga sa ikinasang buy-bust operation sa Camarines Norte, Huwebes ng hapon.

Ayon kay Police Lt. Col. Joel Quintero, hepe ng Daet police, positibong nakabili ng ilegal na droga ang isang pulis na nagsilbing poseur-buyer sa operasyon.

Isinagawa ang buy-bust operation sa isang hotel sa Barangay Gubat bandang 2:00 ng hapon.

Nakilala ang mga suspek na sina Rico Ocampo, 21-anyos, at Froilan Petalino, 32-anyos.

Narekober ng mga otoridad sa dalawang suspek ang 11 pakete ng shabu.