DOH, nilinaw na wala pang kumpirmadong kaso ng coronavirus sa bansa
Nilinaw ng Department of Health (DOH) na wala pang kumpirmadong kaso ng 2019 novel coronavirus sa bansa.
Sa inilabas na pahayag, sinabi ng kagawaran na hinihintay pa ang confirmatory results sa mga isinagawang pagsusuri sa limang taong gulang na batang Chinese.
Mananatili pa rin anila ang bata bilang “person under investigation.”
Tiniyak naman ng DOH na patuloy silang magbibigay ng update ukol sa lagay ng bata.
Nagpasalamat din ng kagawaran sa kooperasyon ng publiko.
Matatandaang bumiyahe ang bata mula sa Wuhan City, China patungong Cebu City noong January 12 nang makitaan ng lagnat, throat irritaion at ubo bago pumasok sa bansa.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.