Road closure at rerouting, ipatutupad sa ilang kalsada para sa Chinese New Year 2020
Magpapatupad ng road closure at rerouting sa ilang kalsada sa Maynila para sa nalalapit na Chinese New Year.
Sa abiso ng Manila Police District (MPD), pansamantalang isasara ang ilang kalsada para sa pagdaraos ng Chinese New Year 2020 Grand Parade sa araw ng Sabado, January 25.
Magmumula ang parada sa Post Office saka kakanan sa Jones Bridge, deretso sa Quintin Paredes Street, kanan sa Ongpin Street, kaliwa sa Ronquillo Street, kaliwa sa F. Torres Street, kaliwa sa Soler Street, kanan sa Reina Regente Street at saka makakarating sa Lucky Chinatown Mall sa Binondo, Maynila.
Magsisimula anila ang parada bandang 1:00 ng hapon.
Dahil dito, inabisuhan ang lahat ng motoristang manggagaling sa P. Brugos patungong Binondo na dumaan sa McArthur Bridge.
Maliban dito, sinabi ng MPD na magpapatupad din ng stop-and-go traffic scheme sa kasagsagan ng parada depende sa kondisyon ng trapiko.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.