Ayon kay Coast Guard Spokesman, Capt. Armand Balilo, patuloy ang sinasagawang search and rescue operation ng Coast Guard sa pitong mangingisda na nawala sa karagatang sakop ng Barangay Hermosa, Dasol, Pangasinan noong Enero 14.
Ang nawawalang mangingisda ay lulan ng FB Narem 2 na sina ship captain Alberto Roldan at mga crew na sina Roderick Montemayor, Homar Maglantay, Ejay Dela Cruz, Jerome Maglantay, Larry Legaspi, at Jefferson Bernabe.
Sa report sa PCG ni Christine Macaraig, ang may-ari ng bangkang pangisda, noong Enero a-6 pumalaot ang mga mangingisda ngunit noong Enero 14 na inaasahang sila ay makauwi ay hindi pa bumabalik sa Infanta, Pangasinan ang pito.
Nalaman din sa huling communication ng FB Narem alas-2:30 ng hapon noong Enero 13 na ang fishing boat ay sinalubong ng malalaking alon, 60 nautical miles san Camaso Island sa Dasol, Pangasinan.
Nananawagan ang PCG sa mga mangingisda sa lugar na ireport agad sa Coast Guard sakaling makita ang mga nawawalang mangingisda