Vice mayor ng Talisay City maaring masampahan ng kaso ayon sa DILG

Hindi mag-aatubili ang Department of Interior and Local Government (DILG) na sampahan ng kasong administratibo si Talisay City Vice Mayor Charlie Natanauan kapag pinayagan nitong makabalik sa kanilang mga tahanan ang mga residente na nakatira sa lugar na sakop ng danger zone.

Ayon kay DILG Usec. Epimaco Densing III, kapag hinayaan ni Natanauan na makauwi ang mga residente sa kabila ng umiiral na lockdown ay kikilos ang ahensya at sasampahan siya ng kaso.

Ito ay makaraang umapela mismo si Natanauan kay Pangulong Rodrigo Duterte para baguhin ang opinyon na inilalabas ng Phivolcs kaugnay sa aktbidad ng Bulkang Taal.

Ang Talisay City ay nasa loob ng 14-kilometer danger zone.

Dahil dito, wala na dapat residente na nakapapasok sa nasabing lungsod.