Water level ng Angat dam nabawasan pa sa magdamag

Nabawasan pa sa nakalipas na magdamag ang antas ng tubig sa Angat dam.

Sa datos ng PAGASA Hydrology, alas 6:00 ng umaga ngayong araw ng Miyerkules (Jan. 22) ay nasa 203.71 meters ang water level ng dam.

Mas bumaba pa kumpara sa 203.76 meters na water level nito kahapon.

Ang Ipo dam naman ay bahagyang nabawasan na nasa 101.09 meters habang walang pagbabago sa water level ng La Mesa dam na nasa 77.80 meters.

Nadagdagan din ang water level ng Ambuklao at Binga dams.

Habang nabawasan naman ang water level ng San Roque, Pantabangan, Magat at Caliraya dams.