Tayasan, Negros Oriental nilindol

Niyanig ng magnitude 3.2 na lindol ang Negros Oriental, Martes ng hapon.

Sa datos ng Phivolcs, namataan ang episentro ng lindol sa layong 6 kilometers Southeast ng Tayasan bandang 4:52 ng hapon.

21 kilometers ang lalim ng lindol at tectonic ang dahilan.

Gayunman, walang napaulat na pinsala sa lugar.

Wala ring inaasahang aftershocks matapos ang pagyanig.