2-anyos na bata, patay sa sunog sa Cebu

Nasawi ang dalawang taong gulang na bata sa sumiklab na sunog sa Balamban, Cebu Martes ng umaga.

Tinupok ng apoy ang isang bahay sa bahagi ng Sitio Upper Segre sa Barangay Buanoy sa Balamban bandang 10:25 ng umaga.

Ayon sa pulisya, natutulog ang biktima nang sumiklab ang sunog.

Nagbebenta umano ang ina nito malapit sa isang pampublikong paaralan sa nasunog na bahay nang mangyari ang insidente.

Nadamay naman ang tatlong kalapit na bahay dahil pawang gawa ang mga ito sa light materials.

Patuloy pa ang isinasagawang imbestigasyon ng mga otoridad sa sunog.