WALANGPASOK: Panghapon na klase sa lahat ng antas sa Baguio City suspendido sa Lunes, Jan. 27

Sinuspinde ang panghapong klase sa lahat ng antas sa Baguio City sa Lunes, Jan. 27.

Ito ay dahil sa idaraos na Chinese New Year Parade sa lungsod.

Simula alas 12:00 ng tanghali suspendido na ang pasok mula pre-school hanggang college level.

Ayon kay Baguio City Mayor Benjamin Magalong, isasara sa daloy ng traffic ang Session Road at ang kalsada sa harap ng Casa Vallejo hanggang sa bahagi ng NBI-CAR.

Ang road closure ay mula alas 12:00 ng tanghali hanggang alas 6:00 ng gabi.

Pinaalalahanan ang mga motorista na bawal pumarada sa kahabaan ng Session road simula pa lamang ng alas 5:00 ng umaga ng Lunes.