Limang volcanic earthquakes lang ang naitala sa Bulkang Taal sa nakalipas na magdamag
Limang volcanic earthquakes na lang ang naitala sa Bulkang Taal sa nakalipas na 24 na oras.
Sa 8AM Taal Volcano Bulletin na inilabas ng Phivolcs, ang nasabing mga pagyanig ay mag magnitude na 1.6 hanggang 2.5 at walang naitalang intensities.
Simula naman noong Jan. 12 ng ala 1:00 ng hapon ay nakapagtala na ng kabuuang 718 na volcanic earthquakes ang naitala sa Bulkang Taal.
Sa kabila ng tila pananahimik ay nananatiling nakataas ang alert level 4 sa Bulkang Taal.
Ibig sabihin ayon sa Phivolcs ay nananatiling posible ang pagkakaroon ng hazardous explosive eruption sa susunod na mga oras o araw.
Dahil dito, patuloy ang paalala ng Phivolcs na dapat ipatupad pa rin ang total evacuation sa Taal Volcano Island at sa mga high-risk areas na una nang tinukoy sa hazard maps at nasa loob ng 14-km radius mula sa Main Crater ng bulkan.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.