Kamara, magsasagawa ng sesyon sa Batangas sa Jan. 22

Magsasagawa ng sesyon ang Mababang Kapulungan ng Kongreso sa probinsya ng Batangas na apektado ng pagsabog ng Bulkang Taal.

Sumang-ayon ang mga kongresista sa mosyon ni House Majority Leader Martin Romualdez.

Isasagawa ang sesyon sa Batangas City Convention Center sa Miyerkules, January 22, bandang 1:00 ng hapon.

Sa huling abiso ng Phivolcs, nananati pa rin sa Alert Level 4 ang Bulkang Taal.