Operasyon ng motorcycle taxi gaya ng Angkas ipatitigil na simula sa susunod na linggo
Simula sa susunod na linggo ay tigil na ang operasyon ng Motorcycle taxis gaya ng Angkas.
Ito ay matapos na ianunsyo ni Department of Transportation (DOTr) -Technical Working Group official Antonio Gardiola, Jr. ang pag-terminate na sa pilot testing ng motorcycle taxis.
Ginawa ni Gardiola ang pahayag bago pa magsimula ang pagdinig ng Senado kaugnay sa motorcycle taxis.
Aminado si Gardiola na magulo ang implementasyon nito at naaantala ang ginagawa nilang pag-aaral sa sistema dahil sa mga aksyon ng isa sa mga player.
Maliban sa Angkas, sakop din ng termination ang operasyon ng JoyRide at MoveIt.
Simula sa susunod na linggo ayon kay Gardiola ay ituturing nang ilegal ang operasyon ng motorcycle taxis at huhulihin na ang mga bumibiyahe.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.