Voter registration simula na ngayong araw – Comelec
Pinaalalahanan ng Commmission on Elections (Comelec) ang publiko na ngayon na ang unang araw ng pagbubukas muli ng voter registration.
Ayon sa Comelec, mula alas 8:00 ng umaga ay bukas na ang mga Comelec office para tumanggap ng mga magpaparehistro.
Tatagal ang registration process hanggang Sept. 30, 2021.
Bukas mula Lunes hanggang Sabado ang mga tanggapan ng Comelec kasama ang mga holidays.
Sarado lamang ang Comelec offices kapag araw ng Linggo, Huwebes Santo, Biyernes Santo at araw ng Pasko.
Suspendido naman ang pagsisimula ng voter registration sa maraming bayan sa Batangas dahil sa epekto ng pagputok ng Bulkang Taal.
Hindi rin muna binuksan ang registration process sa Makilala, North Cotabato dahil sa lindol na tumama doon noong December 15, 2019.
Habang wala namang magaganap na registration sa Palawan dahil magkakaroon ng plebisito doon sa May 11, 2020.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.