72 anyos na lola nasawi sa evacuation center sa Sto. Tomas, Batangas

Isang evacuee mula Talisay City ang nasawi habang nasa evacuation center sa bayan ng Sto. Tomas sa Batangas.

Nasawi ngayong Lunes (Jan. 20) ng umaga ang 72 anyos na ginang na si Zenaida Ortilla, na isang stroke victim.

Mula nang ma-stroke ay bedridden na si Ortilla.

Ang pamilya Ortilla ay inilikas mula sa kanilang bayan sa Talisay dahil sa pagputok ng Bulkang Taal.

Nais ng kaniyang pamilya na mapayagan sila na naiburol ang mga labi ni Ortilla sa Talisay.

Ang bayan ng Talisay ay nananatiling naka-lockdown dahil sa banta ng pagputok pa ng bulkan.