Babae patay sa sunog sa Quezon City

Patay ang isang senior citizen sa sunog na sumiklab sa Barangay Sto. Domingo Linggo (Jan. 19) ng gabi.

Nagsimula ang sunog pasado alas 6:00 ng gabi sa Don Pepe Street na agad itinaas sa ikalimang alarma.

Ayon kay Major Gilbert Valdez, deputy fire mashal ng Bureau of Fire Protection ng Quezon City, isang 65 anyos na babae ang kumpirmadong nasawi.

Maliban sa isang nasawi, dalawa pa ang naitalang sugatan sa sunog.

Naideklarang under control ang sunog bago mag-alas 8:00 ng gabi.

Inaalam pa kung ano ang pinagmulan ng sunog at kung magkano ang halaga ng mga antupok na ari-arian.