Halos 300 pulis sa CALABARZON naapektuhan ng pagputok ng Bulkang Taal

Halos tatlongdaang pulis ang naapektuhan din ng pagputok ng Bulkang Taal.

Ayon Philippine National Police (PNP) officer-in-charge Police Lt. Gen. Archie Francisco Gamboa, 278 na mga pulis sa CALABARZON ang apektado ng ashfall.

Sinabi ni Gamboa na hindi nila inaasahang makababalik agad sa trabaho ang mga naapektuhang pulis.

Aniya, kailangan munang asikasuhin ng mga ito ang kanilang pamilya bago bumalik sa trabaho.

Kung kakailanganin naman ng dagdag na pulis sa CALABARZON, maaring kumuha mula sa PNP national headquarters.

Naglaan na ang PNP ng N95 masks, goggles at raincoats sa mga pulis na tumutulong sa evacuation at relief efforts.