Mahigit 100 Pinoy na maysakit sa Kuwait napagkalooban ng atensyong medikal

Mahigit 100 maysakit na Filipino sa Kuwait ang binigyan ng atensyong medikal.

Pinuntahan ng Medical Response Team (MRT) ng Philippine Embassy ng Assistance-to-Nationals (ATN) Unit ng Kuwait ang mga Overseas Filipinos na maysakit.

Umabot sa 108 Pinoy ang nabisita ng MRT na mayroong iba’t ibang kondisyong pangkalusugan.

Ang iba sa kanila ay na-stroke, may cancer, high blood pressure, diabetes, at may bali sa katawan.

Sa 108 katao na naasistihan, 27 sa kanilang isinasailalim na sa medical repatriation dahil sa malubha nang karamdaman.