Mga residente pinayagan na pansamantalang makapasok sa Agoncillo, Batangas
Pinayagan ang mga residente ng bayan ng Agoncillo sa Batangas na makauwi sa kani-kanilang tahanan ngayong araw.
Ang mga residente ay pinayagan ng mga nakabantay na pulis na pasukin ang bayan mula alas 6:00 ng umaga hanggang alas 10:00 ng umaga.
Ito ay para magkaroon sila ng pagkakataon na makuha ang mga mahahalagang gamit sa kanilang mga bahay na nasalanta sa pagputok ng Bulkang Taal.
Kabilang ang bayan ng Agoncillo sa nagpatupad ng lockdown matapos pumutok ang bulkan.
Pagsapit ng alas 10:00 ng umaga, ang lahat ng residente ay kailangang nakalabas na ng Agoncillo at nakabalik na muli sa mga evacutation center kung saan sila nananatili.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.