Mag-iina patay sa sunog sa Maynila

(UPDATE) Umakyat na sa lima ang bilang ng nasawi sa sunog na naganap sa Yuseco Compound sa Tondo, Maynila,

Ayon sa Manila Fire Bureau, kabilang sa nasawi ang 36 anyos na ginang, at ang tatlo niyang anak na edad 8, 9 at 10.

Na-trap umano sa loob ng kanilang bahay ang mag-iina.

Pasado alas 7:00 ng umaga nang may ma-recover pang isang bangkay sa loob ng isa sa mga bahay na nasunog.

Nagsimula ang apoy sa bahay ng isang Evangeline Lutero.

Inaalam pa kung ano ang naging dahilan ng pagsiklab ng apoy.