Konstruksyon ng slope protection sa Taguig River nakumpleto na ng DPWH

Natapos na ng Department of Public Works and Highways (DPWH) ang konstruksyon ng slope protection sa Taguig River.

Ang nasabing proyekto ay ginastusan ng P279.3 million na layong maprotektahan ang mga residente ng Taguig at Pateros sakaling umapaw ang tubig sa ilog.

Ayon kay DPWH Secretary Mark Villar ang itinayong slope protection ang haharang sa tubig-baha.

Natapos ang proyekto sa loob ng anim na buwan.

Bumabaybay ito sa Taguig Bridge, M.L. Quezon Bridge, at Taguig River East and West Bank.