outbrain

Operasyon ng Cebu Pacific, balik-normal na

By Chona Yu January 14, 2020 - 04:30 PM

Balik na sa normal ang operasyon ng Cebu Pacific.

Ito ay matapos makansela ang ilang flights dulot ng pagsabog ng Bulkang Taal.

Sa panayam ng Radyo Inquirer, sinabi ni Charo Logarta, tagapagsalita ng Cebu Pacific, na nalinis at na-inspeksyon na ang lahat ng eroplano na naapektuhan o nalagyan ng abo na ibinuga ng bulkan.

Inaasahan aniyang makalilipad na sa Miyerkules o sa susunod na dalawang araw ang lahat ng mga pasahero na na-stranded o naapektuhan ng pagsabog ng bulkan.

Tiniyak naman ni Logarta na makakukuha ng full refund o maaring mai-rebook ang ticket ng mga pasahero nang walang penalty na pipiliing hindi na muna bumiyahe o ayaw makisabay sa bugso ng mga pasahero sa airport.

TAGS: Bulkang Taal, cebu pacific, Charo Logarta, Bulkang Taal, cebu pacific, Charo Logarta

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.