Sunog sumiklab sa canteen sa loob ng GMA network sa QC

Sumiklab ang sunog sa compound ng GMA 7 sa Kamuning, Quezon City.

Ayon sa Quezon City Fire Bureau, nagsimula ang sunog sa loob ng isang canteen na nasa GMA compound.

Alas 11:31 ng umaga nang magsimula ang apoy na agad itinaas sa unang alarma.

Pero agad namang itong naapula alas 11:45 ng umaga.

Inaalam pa kung ano ang naging dahilan ng pagsiklab ng apoy sa canteen.

Pinalabas din ang mga empleyado ng GMA network habang inaapula ng apoy.