LOOK: Syrian vlogger na nakabase sa Pilipinas bumili ng daan-daang kahon ng N95 masks para ipamigay sa Batangas
Daan-daang kahon ng N95 masks ang binili ng isang Syrian vlogger na naka-base sa Pilipinas.
Ang naturang mga masks ay libre niyang ipapamahagi sa Batangas at Tagaytay.
Sa kaniyang post sa Facebook page niyang The Hungry Syrian Wanderer, sinabi ng dayuhang si Basel na ilang tindahan sa Metro Manila ang inikutan niya para makahanap ng N95 masks.
At nang may nakita siya, agad siyang bumili ng daan-daang kahon na may lamang 50 pirasong masks kada isang kahon.
Sinimulan ni Basel ang paghahanap ng masks kahapon (Jan. 13) ng umaga sa mga hardware at sa iba’t ibang branch ng Mercury Drug sa Pasay, Las Pinas, Paranaque at Muntinlupa.
Gabi na nang makabili ng N95 masks si basel sa Maynila.
Maliban sa N95 masks ay bumili din si Basel ng maraming bottled water at mga diaper.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.