Suplay ng bigas para sa mga nasalanta ng pagputok ng Bulkang Taal sapat ayon sa NFA
Tiniyak ng National Food Authority (NFA) na mayroong sapat na suplay ng bigas sa mga lugar na naapektuhan ng pagputok ng Taal Volcano.
Ayon kay NFA Administrator Judy Carol L. Dansal, bukas din ang lahat ng Operation Centers (OPCEN) mg NFA central at field offices sa loob ng 24-oras.
Bagaman mayroong deklarasyon ng suspensyon ng pasok sa gobyerno sa Batangas, mayroong skeletal force ang NFA sa kanilang field office at warehouse sa lalawigan.
Base sa datos ng NFA, mayroong stocks ng bigas sa Region 4 na aabot sa 1,930,000 bags; ang NCR ay mayroong 197,000 bags, habang ang Region 3 ay mayroong 1,963,000 bags.
Tiniyak din ni Dansal na ligtas kainin ang NFA rice dahil maayos itong nakaimbak sa warehouses ng NFA at ang mga warehouse nila ay hindi naapektuhan at hindi napasok ng ashfall.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.