Agoncillo, Batangas muling niyanig ng magnitude 4 na lindol

Muling niyanig ng magnitude 4 na lindol ang Agoncillo, Batangas Lunes ng gabi.

Sa datos ng Phivolcs, namataan ang episentro ng lindol sa layong 6 kilometers Northwest ng nasabing bayan dakong 11:39 ng gabi.

May lalim ang lindol na 10 kilometers at tectonic ang dahilan.

Dahil dito, naramdaman ang intensity 3 sa Tagaytay City habang intensity 2 naman sa Malabon City.

Samantala, instrumental intensity 3 naman ang naitala sa Tagaytay City.

Tiniyak ng Phivolcs na walang inaasahang pinsala at aftershocks matapos ang pagyanig.