Pangulong Duterte, kumpiyansa pa rin kay BOC chief Guerrero
Nilinaw ni Pangulong Rodrigo Duterte na kumpiyansa pa rin siya kay Bureau of Customs (BOC) Commissioner Rey Leonardo Guerrero.
Kumalat kasi ang ulat na inalok umano ng pangulo ang nasabing pwesto kay special envoy to China William de Jesus Lima sa isang hapunan sa Malakanyang.
Sa ambush interview matapos ang pagbisita sa Philippine Marine Corps (PMC) sa Taguig City, sinabi ng pangulo na tiwala pa rin siya kay Guerrero.
Ayon sa pangulo, mayroon pang mga trabahong kailangang gawin si Guerrero para ayusin ang BOC.
Kabilang na aniya rito ang internal cleansing dahil mayroon pa rin aniyang natatanggap na reklamo.
Ani Duterte, kakausapin niya si Guerrero ukol sa mga empleyado ng ahensya na dapat nang tanggalin dahil sa ginagawang korapsyon.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.