Mayor Isko Moreno, maglalabas ng show cause order vs medical suppliers na nagtaas ng presyo ng N95 face mask

Maglalabas si Manila Mayor Isko Moreno ng show cause order laban sa mga medical supplier na nagtaas ng presyo ng N95 face masks.

Bigla kasing tumaas ang presyo ng N95 face mask kasabay ng nararanasang ash fall dulot ng pag-aalboroto ng Bulkang Taal.

Ayon sa alkalde, ire-revoke ang permit ng mga medical supplier na mabibigong magpaliwanag sa pagtataas ng presyo ng mask.

Umabot ang naranasang ash fall hanggang sa bahagi ng Metro Manila.

Nananatili pa rin sa Alert Level 4 ang Bulkang Taal.