Manila Water, namigay ng tubig sa ilang apektado ng pag-alboroto ng Bulkang Taal

Namigay ang Manila Water ng libreng tubig sa mga residenteng lubhang naapektuhan sa Batangas.

Ito ay bunsod pa rin ng pag-aalboroto ng Bulkang Taal.

Ayon sa water concessionaire, namigay ng 1,600 galon ng tubig sa mga residente sa bahagi ng Sta. Teresita, Batangas.

Nagbigay naman ng 2,905 bote ng tubig sa Bauan, Batangas.

Samantala, nasa 4,000 galon ng inuming tubig ang ipinamahagi sa mga evacuee sa Agoncillo, San Nicolas, Laurel, Taal at Talisay pamamagitan ng kanilang Manila Water Foundation at iba pang partners.