DSWD Region 4-A umapela ng donasyon at nangangailangan din ng volunteers

Umapela ng donasyon ang Department of Social Welfare and Development (DSWD) Region 4-A para sa mga nasalanta ng pagputok ng Bulkang Taal.

Sa abiso ng DSWD Region 4-A maaring magdonate ng bottled water, face masks, hygiene kits, sleeping mats, canned goods, biscuits, noodles, at iba pang read to eat na pagkain.

Maaring dalhin ang donasyon sa DSWD field office IV-A sa Abalang-Zapote Road sa Muntinlupa City; DSWD field office IV-A Warehouse sa GMA, Cavite; at sa National Resource Operations Center sa Pasay City.

Nananawagan din ang DSWD ng mga nais maging volunteer para tumulong sa pag-repack ng relief items.

Maaring magtungo sa warehouse ng DSWD sa GMA, Cavite o sa sa National Resource Operations Center sa Pasay City para makatulong sa repacking.

Ang oras ng pagre-repack ay mula alas 8:00 ng umaga bukas, Jan. 14.