Tatlong lansangan sa Region 4-A sarado sa mga motorista dahil sa ashfall
Tatlong kalsada sa Region 4-A ang hindi madaanan ng mga motorista dahil sa kapal na abo na bumagsak bunsod ng pag-aalburuto ng Bulkang Taal.
Sa update mula sa Department of Public Works and Highways (DPWH), base sa datos ng Batangas District Office, sarado sa mga motorista ang sumusunod na kalsda:
1. Tanauan-Talisay-Tagaytay Road, Talisay-Tagaytay Section, Talisay, Batangas
2. Tagaytay-Taal Lake Road, Tagaytay, Cavite
3. Tagaytay-Talisay Road, Tagaytay, Cavite
May itinalaga nang equipment at mga tauhan ang DPWH sa naturang mga lugar para linisin ang kalsada.
Samantala, nagtalaga din ang DPWH Central Office ng kanilang shuttle buses sa Laurel at Talisay Batangas.
Ito ay para makatulong sa paglilikas ng mga residente.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.