“Laging Handa Operations” ng PCOO, activated na dahil sa pagputok ng Bulkang Taal

Dahil sa patuloy na pag-aalburuto ng Bulkang Taal, activated na ang “Laging Handa Operations” ng Presidential Communications Operations Office (PCOO).

Ayon kay PCOO Secretary Martin Andanar, sa ilalim ng “Laging Handa Operations”, mabibigyan ng integrated delivery of information ang publiko sa pamamagitan ng lahat ng government media.

Sinabi pa ni Andanar na inatasan na ni Pangulong Rodrigo Duterte ang iba’t ibang sangay ng pamahalaan na ilikas na ang mga residente na nasa danger zone at tiyaking maayos ang ugnayan sa provincial government para masigurong magiging maayos ang evacuation.

Hinihikayat aniya ng palasyo ang lahat na makipagtulungan sa pamahalaan at manatiling alerto para sa masiguro ang kaligtasan ng bawat isa.