Trough ng LPA magpapaulan sa Caraga at Eastern Visayas
Patuloy na binabantayan ang isang low pressure area (LPA) sa loob ng Philippine Area of Responsibility (PAR).
Ayon sa 4am weather update ng PAGASA, huling namataan ang sama ng panahon sa layong 735 kilometro Silangan Timog-Silangan ng Hinatuan, Surigao del Sur.
Mababa pa rin ang tyansa na maging bagyo ang LPA ngunit ang trouh o extension nito ay magdadala ng maulap na kalangitan na may kalat-kalat na pag-ulan, pagkulog at pagkidlat sa Caraga at Eastern Visayas.
Maulap na kalangitan na may kalat-kalat na pag-ulan, pagkulog at pagkidlat din ang mararanasan sa Cagayan Valley, Cordillera Administrative Region,at Aurora dahil sa tail-end of a cold front.
Sa Ilocos Region, maalinsangan ang panahon na may posibilidad ng mahihinang pag-ulan bunsod ng northeast monsoon o Amihan.
Samantala dahil sa pagsabog ng Taal Volcano, magkakaroon ng maulap na kalangitan na may pulo-pulong pag-ulan, pagkulog aty pagkidlat sa Batangas, Cavite at Laguna.
Ayon kay PAGASA weather forecast Meno Mendoza sakaling magpatuloy ang volcanic eruptions ng Taal ay magpapatuloy ang pag-ulan, pagkulog at pagkidlat sa Taal Region at mga karatig-lugar.
Inaasahang aabot ang ashfall sa Laguna, Rizal, northern Quezon at Aurora.
Sa Metro Manila at nalalabing bahagi ng bansa, asahan ang maalinsangang panahon maliban sa mga panandaliang pag-ulan, pagkulog at pagkidlat dulot ng localized thunderstorms.
Walang nakataas na gale warning saanmang baybaying-dagat ng bansa kaya’t malayang makapaglalayag ang mga mangingisda.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.