Patuloy ang pagdami ng mga lugar na nababagsakan ng abo bunsod ng pagsabog ng Taal Volcano araw ng Linggo.
Ayon sa 3:30am eruption update ng PHIVOLCS, ang mga lugar na apektado ng ashfall ay:
– Tanauan, Batangas
– Escala, Tagaytay
– Sta. Rosa, Laguna
– Dasmariñas, Bacoor, Silang, Cavite
– Malolos, San Jose, Meycauyan, Bulacan
– Antipolo, Rizal
– Muntinlupa
– Las Piñas
– Marikina
– Parañaque
– Pasig
– Quezon City
– Mandaluyong
– San Juan
– Manila
– Makati
– Taguig
Ayon pa sa Phivolcs, bumagsak naman ang larger particles na tinatawag na ‘lapilli’ sa mga sumusunod na lugar:
– Tanauan at Talisay, Batangas
– Tagaytay City
– Nuvali at Sta. Rosa, Laguna
Babala ng Phivolcs, ang fine ashfall ay delikado at posibleng magdulot ng iritasyon at problema sa paghinga sa matatanda at mga bata.
Pinapayuhan ang publiko na gumamit ng N95 grade facemasks at basing tuwalya o tela.
Pinag-iingat din ang mga motorista sa pagmamaneho dahil sa poor visibility na dulot ng abo at madulas na mga kalsada.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.