Resulta ng autopsy sa bangkay ng pinatay na OFW sa Kuwait, inilabas na

Inilabas na ng National Bureau of Investigation (NBI) ang resulta ng isinagawang autopsy sa bangkay ng pinatay na overseas Filipino worker (OFW) sa Kuwait.

Ayon kay Justice Secretary Menardo Guevarra, lumabas sa autopsy na mayroong indikasyon ng sexual abuse kay Jeanelyn Villavende.

Mayroon din aniyang nakitang gumaling na sugatan kay Villavende na indikasyong posibleng binugbog ang OFW bago ang insidente.

Sinabi ni Guevarra na isusumite ang format report sa autopsy sa kanyang opisina sa araw ng Lunes.

Matatandaang nagpatupad ang gobyerno ng partial deployment ban sa Kuwait matapos ang pagkasawi ni Villavende.