Higit P2-M halaga ng shabu, nasabat sa Las Piñas City
Nasamsam ang mahigit 300 gramo ng hinihinalang shabu sa ikinasang buy-bust operation sa Las Piñas City, Sabado ng umaga.
Batay sa ulat ng Las Piñas City police, isinagawa ang operasyon sa bahagi ng Rosendo Street, Saint Joseph Subdivision sa Barangay Pulang Lupa 2 bandang 9:20 ng umaga.
Nagresulta ang operasyon sa pagkakahuli sa suspek na si Daniel Fernandez habang nananatili namang at-large ang isa pang suspek na si Edgardo Enriquez.
Narekober kay Fernandez ang mga ilegal na droga na nagkakahalaga ng P2,040,000. Dinala na ang kontrabando sa Southern Police District Crime Laboratory para sa isasagawang pagsusuri.
Maliban dito, nakuha rin sa suspek ang 50 bala bg caliber 45 na baril.
Dahil dito, mahaharap si Fernandez sa kasong paglabag sa Republic Act 9165 o Comprehensive Dangerous Drugs Act of 2002 at Republic Act 10591 o Comprehensive Firearms and and Ammunition Regulation Act.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.