Medical tents ipahihiram ng Red Cross sa Phil. Navy para magamit sa Iraq

Magpapahiram ng medical tents ang Philippine Red Cross sa team ng Philippine Navy na magtutungo sa Iraq.

Ayon kay PRC chairman, Senator Richard Gordon, gagamitin ang mga tent para sa proseso ng paglilikas sa mga OFWs na nasa Iraq.

Nagpadala aniya ng request ang Navy sa Red Cross at aprubado na ito.

Sinabi ni Gordon na malaking bagay ang tent para magamit ng mga sundalo pagdating nila sa Iraq.

Sa liham ni Lieutenant Colonel Reynaldo Capuz, Navy Deputy Chief Surgeon, hiniling nito sa Red Cross na mapahiram sila ng dalawang medical tents – isang 6x12m at isang 10x20m.

Ito ay upang magamit nila pagdating nila sa Iraq.