Angkas naglinaw sa bagong polisiya sa mga overweight na pasahero

Nagbigay ng paglilinaw ang motorcycle ride hailing app na Angkas hinggil sa dagdag na Weight Safety Check sa kanilang app.

Ayon sa pahayag ng Angkas, kaligtasan lamang ng kanilang riders at pasahero ang layunin nito.

Ibinase aniya ito sa pakikipag-usap noon ng Angkas sa Department of Transportation (DOTr) nang mag-umpisa ang pilot testing para sa motorcycle taxis noong June 2019.

Ang layunin umano ng Angkas ay matiyak na ang bawat bookings ay mahahanapan ng nararapat na bike at biker.

Tiniyak din ng Angkas na lahat ng sensitibong datos ng pasahero ay naiingatan.

Ang Weight Safety Check ay idinagdag ng Angkas sa kanilang app kung saan kailangan nang ideklara ng pasahero ng weight range nito.