DOJ inatasan ang NBI na imbestigahan ang kaso ng pagpatay kay dating Cong. Edgar Mendoza
Binigyan ng Department of Justice (DOJ) ng 30 araw ang National Bureau of Investigation (NBI) para imbestigahan ang kaso ng pagpatay kay dating Batangas 2nd District Representative Edgar Mendoza, kanyyang driver at aide.
Sa Department Order Number 12, inatasan ni Justice Secretary Menardo Guevarra ang NBI na magsagawa ng case build-up sa susunod na apat na linggo at magsumite ng report sa kaniya hinggi sa update ng kaso.
Nakasaad sa utos ng kalihim ang agarang aksyon mula sa NBI.
Noong Huwebes ay natagpuan ang sunog na katawan ng kongresista, kaniyang driver na si Ruel Ruiz at ng kanyang aide na si Nicanor Mendoza na nasa back seat ng isang sunog ring kotse sa Tiaong, Quezon.
Blangko pa sa ngayon ang PNP kung ano ang motibo sa krimen.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.