TWG on Motorcycle Taxis nilinaw na hindi nila inatasan ang Angkas na tanggihan ang mabibigat na pasahero
Nilinaw ng technical working group on Motorcyle Taxis na wala itong utos sa “Angkas” na tanggihan ang mabibigat na pasahero.
Ayon kay TWG consultant Alberto Suansing, ang tanging ipinapaalala lamang nila sa motorcycle ride-hailing services ay ang tiyakin ang kaligtasan ng kanilang mga pasahero.
Sinabi ni Suansing na tila sa gobyerno pa ipinapasa ng Angkas ang pagbabawal nila sa mga mabibigat na pasahero.
Paglilinaw ng opisyal, wala silang utos sa Angkas na huwag magsakay ng mataba.
Nagkaroon ng pagbabago sa application ng Angkas kung saan ang pasahero ay kailangan nang ideklara ang kanilang weight range kapag nag-book.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.