Sulop, Davao Del Sur niyanig ng mahinang lindol

Niyanig ng magnitude 3 na lindol ang Sulop, Davao del Sur Huwebes ng gabi.

Batay sa datos ng Phivolcs, namataan ang episentro ng lindol sa layong 17 kilometers Southwest ng nasabing bayan bandang 9:20 ng gabi.

Tectonic ang dahilan ng lindol at 23 kilometers ang lalim.

Dahil dito, naramdaman ang intensity 2 sa Magsaysay, Davao del Sur habang instrumental Intensity 1 naman sa Tupi, South Cotabato.

Wala namang inaasahang pinsala at aftershocks matapos ang pagyanig.