Hanggang P44 na rollback sa LPG, asahan sa susunod na buwan

Magpapatupad ng P3 hanggang P4 rollback sa kada kilo ng liquefied petroleum gas (LPG) ang mga kumpanya ng langis sa susunod na buwan.

Sa abiso ng mga oil companies, tinatayang aabot sa P33 hanggang P44 ang mababawas sa halaga ng kada 11-kilogram na LPG cylinders.

Ang mga kumpanya ng langis ay ilang sunod na linggo na ring nagpapatupad ng bawas sa presyo ng produktong petrolyo dahil sa patuloy na pagbaba ng halaga ng langis sa world market.

Katunayan sa ngayon naglalaro na lamang sa P18 hanggang mahigit P19 ang halaga ng kada litro ng diesel.