Bilang ng naserbisyuhan ng PH Red Cross sa Traslacion 2020, halos 1,000 na

Halos 1,000 na ang bilang ng mga naserbisyuhan ng Philippine Red Cross (PRC) sa kasagsagan ng Pista ng Itim na Nazareno.

Ayon kay PRC chairman at Senador Richard Gordon, nasa kabuuang 984 katao na ang kanilang naasistihan mula January 8 hanggang 4:00 ng hapon ng January 9.

Nasa 636 deboto ang nagpasuri ng blood pressure.

Samantala, nakapagtala rin ng 253 na minor cases habang 25 na major cases.

Aabot naman 14 pasyente ang kinailangang dalhin sa Ospital ng Maynila at Jose Reyes Memorial medical center bunsod ng hypertension, fracture, dislocation, fainting at nawalang ng malay.

41 katao naman ang nangailangan ng welfare assistance.

Pasado 4:00 ng hapon, nasa San Sebastian Church sa Hidalgo Street na ang andas ng Itim na Nazareno.