Water level ng Angat dam nadagdagan sa nakalipas na magdamag

Nadagdagan sa nakalipas na magdamag ang antas ng tubig sa Angat dam.

Sa datos ng PAGASA Hydrology, alas 6:00 ng umaga ay nasa 204.39 meters na ang antas ng tubig ng dam.

Tumaas ito kumpara sa 204.28 meters na water level kahapon.

Samantala, wala namang pagbabago sa water level ng Ipo dam na nasa 101.08 meters, habang ang La Mesa dam ay bahagyang nadagdagan at nasa 77.76 meters na.

Nadagdagan din ang water level ng Ambuklao at Binga dams.

Habang nabawasan naman ang water level ng San Roque, Pantabangan, Magat at Caliraya dams.